सिरहा, ३१ भाद्र । रूखमा झुन्डिएको अवस्थामा सशस्त्र प्रहरीका एक जवानको शव फेला परेको छ । सिराहा नगरपालिका-२१ लगडीगोठ बिओपी मा कार्यरत उदयपुरको ताप्ली गाउँपालिका- ३ का २६ वर्षीय गिरिजानारायण श्रेष्ठको शव फेला परेको हो ।
बिहान साथीहरूसँगै ड्युटीमा निस्किएका उनी दिशा गर्न बगैँचातिर गएको बेला झुन्डिएर आत्महत्या गरेको, प्रहरीको प्रारम्भिक अनुसन्धानबाट खुलेको छ । आज बिहान करिव साढे ६ बजेको समयमा घटना भएको जिल्ला प्रहरी कार्यालय सिराहाका सूचना अधिकारी डिएसपी सुवास बुढाथोकीले जनाएका छन् ।
सशस्त्र प्रहरी बल ७ नम्बर गण हेडक्वार्टर सिराहाका एसपी रमेश थापाले शव रूखमा झुन्डिएको अवस्थामा फेला परेकोले थप अनुसन्धान गर्न नेपाल प्रहरीलाई जिम्मा दिइएको बताएका छन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |