Memo Khabar 
राजविराज, ८ मंसिर । सप्तरी निर्वाचन क्षेत्र नम्बर १ मा जनता समाजवादी पार्टी (जसपा) का नवलकिशोर साह र क्षेत्र ३ मा नेपाली कांग्रेसका दिनेशकुमार यादव प्रतिनिधि सभा सदस्यमा निर्वाचित भएका छन् ।
साहले २३ हजार ५ सय ६४ मत ल्याएर जित हात परेका थिए, उनका निकट प्रतिद्वन्द्वी जनमतका जयकान्त राउतले १९ हजार ९ सय ९२ मत ल्याएका थिए ।त्यस्तै नेपाली कांग्रेसका रामदेव साहले १४ हजार २ सय १२ मत ल्याएका छन् ।
यसैगरी सप्तरी क्षेत्र नम्बर ३ मा दिनेश यादवले २६ हजार १ सय ६६ मत प्राप्त गर्दै निर्वाचित भएका भएका छन् । उनका निकटतम प्रतिद्वन्द्वी एमालेका ताराकान्त चौधरीले २२ हजार तीन सय मत प्राप्त गरे ।
यसअघि उनले लगातार दुई पटक सोही क्षेत्रबाट पराजित भएका थिए । उनी नेपाली कांग्रेसका केन्द्रीय सदस्य समेत हुन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |