सप्तरीमा स्कारपियो र बोलोरो एक आपसमा ठक्कर खाँदा दुई जना मानिस र दुई घोडाको मृत्यु

राजविराज, १६ फागुन । सप्तरीको कंचनरुप -९ बिष्णु मन्दिर नजिक  पूर्व पश्चिम राजमार्गमा पश्चिम बाट पुर्ब तर्फ आउदै गरेको बा १८ च ६६१७ नम्बरको स्कारपियो र बिपरित दिशा तर्फ जादै गरेको घोडा बोकेको प्र २-०२ -००१ च ०७४६ नम्बरको बोलोरो पिकअप एक आपसमा ठक्कर खाँदा दुई  जना मानिस र दुई ओटा घोडाको मृत्यु भएको छ भने १२ जना गम्भीर घाइते भएका छन् ।

मृत्युु हुनेमा स्कारपियाेमा सवार सुनसरीकाे दुहबी नगरपालिका वडा नम्वर ३ बस्ने संजय चौधरीको श्रीमति ४५ बर्षिया राजकुमारी चौधरी तथा साेहि ठाउका ४० बर्षिय हरेराम साह हलुवाईको घटना स्थलमा मृत्यु भएको छ भने बोलोरो पिकअपमा रहेका २ वटा घोडा को समेत घटना स्थलमा मृत्यु भएको जिल्ला प्रहरी कार्यालय सप्तरीले जनाएको छ । 

मंगलबार बिहान अन्दाजी २ बजेर ४० मिनेटको समयमा स्कारपियो र बोलोरो पिकअप एक आपसमा जुधेका थिए ।