सप्तरीमा राइफलको गाेलीसहित दुई युवक पक्राउ

राजविराज । सप्तरी प्रहरीले ५ राउन्ड राइफलको गाेलीसहित खडक नगरपालिका स्थित हुलाकी सडक खण्डबाट दुई जनालाई पक्राउ गरेको छ ।

पक्राउ पर्नेमा सिराहाको लक्ष्मिपुर पतारी गाउपालिका-२ बस्ने १९ बर्षका धर्मजीत कुमार यादव र सप्तरीको खडक नगरपालिका ११ बनौलीका १८ बर्षका हरीशन्कर यादव रहेको प्रहरीले जनाएको छ ।

धर्मजीतको साथबाट ५ राउण्ड राईफलको (३०३) गोलि फेला परेको र निजको साथमा रहेको हरीशन्करलाई पनि नियन्त्रणमा लिएको उनले बताए ।

उनीहरूविरुद्ध मुलूकी अपराध संहिता २०७४ अन्तर्गत हात हतियार तथा खरखजाना सम्बन्धी कसूरमा सप्तरी जिल्ला अदालतबाट ३ दिनको म्याद थप भई अनुसन्धान कार्य भई रहेको प्रहरीले जनाएको छ ।