ट्यांकरको ठक्करबाट एकको मृत्यु, एकजना गम्भीर घाइते

राजविराज । पूर्वपश्चिम राजमार्ग अन्तर्गत सप्तरीको कन्चनरुप नगरपालिका-३ बरमझियामा शुक्रबार तेल बोक्ने ट्याङ्करले मोटरसाइकललाई ठक्कर दिँदा एकजनाको घटना स्थलमै मृत्यु भएको छ भने एकजना गम्भीर घाइते भएका छन् ।

कन्चनपुरबाट भारदह जाँदै गरेको नेपाल आयल निगमको को. १ ख. ७४१४ नम्बरको ट्याङ्करले प्र. १ -०२०४७ प १२८० नम्बरको  मोटरसाइकललाई ठक्कर दिँदा मोटरसाइकल चालक सुनसरीको हरिनगर गाउँपालिका-३ गौतमपुर बस्ने अन्दाजी वर्ष ४१ का महेश कुमार मेहताको मृत्यु भएको प्रहरीले जनाएको छ ।

सोही दुर्घटनामा परी गम्भीर घाइते भएका सुनसरी हरिनगर गाउँपालिका- ३ गौतमपुरका अन्दाजी बर्ष ४० का जय प्रकाश मेहताको कन्चनरुप नगरपालिका- १२ स्थित धर्मेश्वर अस्पतालमा उपचार भइरहेको छ ।