तन्दुरी रेष्टुरेन्ट राजविराजका संचालक जबर्जस्ती करणी आरोपमा पक्राउ

राजविराज । सप्तरीको राजविराजमा रेष्टुरेन्टमा काम गर्ने एक युवतीलाई जबर्जस्ती करणी गर्न खोजेको आरोपमा रेष्टुरेन्ट संचालक पक्राउ परेका छन् । राजविराज ६ थानगाछी उमेश प्रसाद साहको छोरा वर्ष २८ को आकाश आदर्श जबर्जस्ती करणीको प्रयास गरेको आरोप पक्राउ गरेका हुन् ।            

रेष्टुरेन्टमा कामकाज गर्ने परिवर्तित नाम जिल्ला  राजबिराज १५ (क) (०८१/०८२) पीडित महिलाले दिएको उजुरीको आधारमा आदर्शलाई नियन्त्रणमा लिएको प्रहरीले जनाएको छ । पीडित महिलाका अनुसार आकाश आदर्शले  मेरो मुख हातले थुनी विभिन्न किसिमको धाक धम्की दिएको साथै जबर्जस्ती कपडा खोली करणीको प्रयास गरेको पीडित महिलाले उजुरीमा उल्लेख गरेको जिल्ला प्रहरी कार्यालय सप्तरीले जनाएको छ । 

आदर्शले आफ्नो मोबाइलबाट भिडियो बनाई सामाजिक संजालमा भाइरल गरी दिन्छु भनी धाकधम्की दिदैँ पटक पटक करणी प्रयास गरेको र बनाएको भिडिओ मेरो व्हाट्सएपमा समेत पठाएपछि सोही प्रमाणको आधारमा उजुरी गरेको पीडित महिलाले प्रहरीमा बुझाएको निवेदनमा भनिएको छ ।

पीडित महिलाले दिएको उजुरीको आधारमा जिल्ला प्रहरी कार्यालय सप्तरीबाट प्रहरी टोली खटाई आकाश आदर्शलाई नियन्त्रणमा लिई अनुसन्धान अगाडि बढाएको सप्तरीका प्रहरी ले जनाएका छन् ।