इक्विलिटी कप : साक्षीको उत्कृष्ट ब्याटिङले सप्तरी बिजयी

विराटनगर । नेपाल क्रिकेट फाउन्डेसन विराटनगर द्वारा संचालित चौथो इक्विलिटी कप टि ट्वान्टी महिला क्रिकेट प्रतियोगितामा सप्तरी महिला क्रिकेट टिम बिजयी भएको छ ।

सोमवार सप्तरी र इलाम बिच भएको खेलमा साक्षी यादबको उत्कृष्ट ब्याटिङले सप्तरीले इलामलाई ८ बिकेटले पराजित गर्दे बिजयी भएको हो ।

इलाम महिला टिमले दिएको १ सय १८ रनको लक्ष्य सप्तरी टिमले दुई बिकेट गुमाई बिजय हासिल गरे । जसमा साझी यादबले १० चौकाको मदतले अभिजित ६० रन बनाएपछि सप्तरीको जित सहज भएको हो । यसैगरी बन्दना रजकले १३ रन र अपेक्षा यादबले ११ रन बनाएका थिए ।

बलिंग तर्फ इलामका टिकामाया तमागं र मुन्ना रायले १/१ बिकेट लिएका थिए । टस जितेर इलामले निर्धारित २० ओभरमा ६ बिकेट गुमाएर १ सय १७ रनको योगफल खडा गरेका थिए ।

जसमा प्रियंका राय ४१ रन र दिपा लिम्बू १० रन अविजित बनाएका थिए भने अन्य ब्याटरहरू दोहोरो अंक पार गर्न सकेन ।

यता बलिङ तर्फ सप्तरीका सुस्मिता यादबले दुई ओभर बलिङ गर्दै १९ रन खर्चेर २ बिकेट हात पारेका थिए, यसैगरी अपेक्षा यादब, संचिता यादब र बन्दना रजकले समान्य १/१ बिकेट हात पारेका थिए ।

उक्त खेलको प्लेयर अफ दि म्याच सप्तरीका साक्षी यादब घोषित भएको टिम व्यवस्थापक बिना यादबले जानकारी दिईन । भोलिको खेल सप्तरी र सिरहा बिच हुने आयोजकले जनाएको छ ।