जिल्लास्तरीय क्रिकेट : राजदेबी राइजिङ बिजयी

राजबिराज । क्रिकेट विकास प्रतिष्ठान द्वारा संचालित जिल्लास्तरीय क्रिकेट प्रतियोगितामा राजदेबी राइजिङ क्रिकेट कल्ब बिजयी भएको छ ।

स्थानीय पविमाबि खेलमैदान भएको खेलमा राजदेबीले कंचनपुरलाई २६ रनले पराजित गर्दै बिजयी भएको हो । आइतबार टस जितेर राजेदबी राईजिंगले निर्धारित १० ओभरमा ६ बिकेट गुमाएर १ सय ३ रन को योगफल खडा गरेको थियो ।

जसमा बिजय यादबले उत्कृष्ट ब्याटिङ गर्दै अविजित ४१ रनको पारी खेलेपछि टिमले राम्रो स्कोर गरेका थिए । यसैगरी अर्का ब्याटर जेयम्सले २२ रन र मन्नु दास १३ रन अविजित र वसन्त यादबले पनि १३ रन जोडेका थिए ।

बलिंग तर्फ कंचनपुरका रोनक सिँह र शिव राउतले २/२ बिकेट लिएका थिए भने उमेश चौधरी र मुकेश कामैतले समान्य १/१ बिकेट लिएका थिए ।

प्रतिउत्तरमा १ सय ४ रनको योगफल लिएका कंचनपुुरले ३ बिकेट गुमाएर ७७ रन मात्र बनाएका थिए । जसमा महान्नद यादब २६ रन, प्रविण भुजेल २२ रन, रौनक सिँह नटआउट १३ रन बनाएपनि जितका लागी पर्याप्त रन बनाउन सकेन ।

यता बलिंग तर्फ राजदेबीका बिजय यादब, हर्षित चौधरी र रितिक यादबले समान्य १/१ बिकेट लिएका थिए । खेलको प्लेयर अफ दि म्याच बिजय यादब घोषित भएका थिए ।