सञ्चारकर्मीको हकहितका लागि प्राधिकरण प्रतिवद्ध रहेको अध्यक्ष खडगाको भनाइ

राजबिराज । मधेश प्रदेश सरकारका आमसञ्चार प्राधिकरण अध्यक्ष जितेन्द्र खडगाले संचारकर्मिहरूको पेशागत हकहित, सेवा सुविधाको लागि प्राधिकरण प्रतिवद्ध रहेको बताए ।

बुधवार सप्तरीका सञ्चारकर्मीहरूसँग कुरा गर्दै अध्यक्ष खडगाले प्राधिकरण वाट हुने सेवा सुविधा तथा पत्रकारहरूको हकहित सवालमा प्रतिवद्ध रहेको बताउनु भयो । अध्यक्ष खडगाले स्रोत साधन अनुकुल पत्रकारहरूको सेवा सुविधा लाई थप बढाउदै जाने प्रतिवद्धता गरे।

उक्त अवसरमा सञ्चारकर्मीहरू ले अनलाईनहरूलाई सूचिकृत गर्नुपर्नेमा जोड दिए । प्रदेश सरकारले मिडिया ऐेन बनाउन प्राधिकरणले भूमिका खेल्नु पर्नेमा जोड दिए । मिडिया ऐेनले  स्थानीय तहमा विज्ञापन सहित अन्य सुविधाको लागि बाटो खुल्ने छ । संचारकर्मिहरूको लागि प्राधिकरणले  नियमनकारी को भूमिका निर्वाह गर्नु अपरिहार्य रहेको कार्यक्रममा सुझाव दिए ।

उक्त अवसरमा आमसञ्चार प्राधिकरणका निवर्तमान अध्यक्ष श्यामसुन्दर यादब, नेपाल पत्रकार महासँघका केन्द्रीय सदस्य ललिता साह, महासँघ शाखा सप्तरी पुर्व अध्यक्ष मुरली प्रसाद यादब, बैधनाथ झा, शाखा उपाध्यक्ष रामनारायण बिश्वास लगायत संचारकर्मिहरूको उपस्थित रहेको थियो ।