राजविराज नगरपालिकामा अनियमितताको विरोधमा तालाबन्दी र अनिश्चितकालीन रिले अनशन सुरु

राजविराज । सप्तरीको राजविराज नगरपालिकामा नगरवासीले नगरपालिकाको बेथितिको बिरूद्वमा पालिकामा तालाबन्दी गर्दै  अनिश्चितकालीन रिले अनशन सुरु गरेको छ ।

आइतबार जनता समाजवादी पार्टी (जसपा) नेपालका नेता भिमराज यादब सहित सयौँ नगरवासीहरूले नाराबाजी गर्दै राजबिराज नगरपालिकामा व्यापक भष्ट्राचार भएको भन्दै तालाबन्दी गरेको छन ।

नगरवासीहरूले ९ बुँदे माग राख्दै उनीहरू अनिश्चितकालीन रिले अनशनमा बसेको छन । सिसिटिभी जडानमा अनियमितता, बिटौरी जग्गाको लालपुर्जा बितरण गर्नुपर्ने, लामखुट्टेको औषधी छडकिनु पर्ने, नगर भित्र निर्माणधीन सडकहरू वर्षोदेखि अलपत्र रहेकोले अविलम्व काम सुरु गर्नुपर्ने रहेको छ ।

यसैगरी राजबिराज नगरपालिकामा उपसचिव सरहको प्रमुख प्रशासकीय अधिकृत पठाउनुपर्ने, नगरपालिकाको सरसफाईलाई ब्यबस्थित गर्नुपर्ने, ट्राफिक ब्यवस्था अब्यबस्थित रहेकोले तथा नगरप्रहरी भर्ना अविलम्ब गर्नुपर्ने, राजबिराज नगरभित्रको बिजुली बतीको नाम ६० लाख भुक्तानीको छानबिन गर्नुपर्ने, तरकारी बजार सडकमै भएकोले त्यसको उचित व्यवस्थापन गर्नुपर्ने माँग सहित उनीहरू आन्दोलित भएका छन ।