सप्तरीमा टेम्पु–मोटरसाइकल ठोक्किँदा एकको मृत्यु, दुई घाइते

राजविराज । सप्तरीको शम्भुनाथ नगरपालिका–८ पोखरियास्थित भित्री सडक खण्डमा भएको सवारी दुर्घटनामा एक युवकको मृत्यु भएको छ भने एक दम्पति घाइते भएका छन् ।

प्रहरीका अनुसार पोखरियाबाट देवघाटतर्फ जाँदै गरेको प्रदेश २–०१–००१ स १०२५ नम्बरको टेम्पु र विपरीत दिशाबाट आउँदै गरेको मधेश प्रदेश ०१–००५ प ५७३३ नम्बरको मोटरसाइकल ठोक्किँदा दुर्घटना भएको हो ।

मोटरसाइकल चालक अन्दाजी २५ वर्षीय पुरुषको गम्भीर चोटपटकका कारण गजेन्द्र नारायण सिंह अस्पताल राजविराज ल्याइएका केही बेरमै मृत्यु भएको सप्तरीका प्रहरी प्रवक्ता डीएसपी जितेन्द्र कुमार बस्नेतले जानकारी दिए ।

दुर्घटनामा टेम्पु चालक ४५ वर्षीय मणिलाल मण्डल र उनकी ४० वर्षीया पत्नी आशा देवी मण्डल घाइते भएका छन् । उनीहरूको उपचार कल्याणपुरमा भइरहेको प्रहरीले जनाएको छ ।