सप्तरीमा करेन्ट लागेर एक जनाको मृत्यु

राजविराज । सप्तरीको तिरहुत गाउँपालिका–१ त्रिकोलमा मंगलबार करेन्ट लागेर एक जनाको मृत्यु भएको छ । मृतक ४० वर्षीय स्थानीय भुपेन्द्र बिराजी रहेको जिल्ला प्रहरी कार्यालय सप्तरीले जनाएको छ ।

प्रहरीका अनुसार बिराजीले आफ्नै घरमा सिलिङ पंखा जडान गर्ने क्रममा अचानक करेन्ट लागेर गम्भीर घाइते भएका थिए । परिवारजनले तत्कालै उनलाई उपचारका लागि भारदह अस्पताल पुर्‍याए पनि चिकित्सकले मृत घोषणा गरेका थिए ।

यस सम्बन्धमा थप अनुसन्धान भइरहेको प्रहरीले जनाएको छ ।