८३ लाख रूपैयाँसहित धनुषाबाट दुई जना पक्राउ

धनुषा । स्रोत नखुलेको ८३ लाख ६४ हजार ५ सय रूपैयाँ सहित धनुषा बाट दुई जना पक्राउ परेका छन् ।

सशस्त्र प्रहरी निरीक्षक शम्भु कटुवालका अनुसार आलुको बोराभित्र रूपैयाँ राखेर भारतबाट नेपाल ल्याउँदै गरेको स्रोत नखुलेको ८३ लाख ६४ हजार ५ सय रुपैयाँ बरामद गरिएको छ ।

मंगलबार ज ७ प ५००७ नम्बरको मोटरसाइकलमा आलुको बोराभित्र राखेर स्रोत नखुलेको रकम ल्याउने क्रममा जनकनन्दनी गाउँपालिका ५  का ३६ वर्षीय ईश्वर मण्डल र १९ वर्षीय राजेश मण्डल लाई पक्राउ गरिएको मधेश प्रदेश सशस्त्र प्रहरी बलको डिआइजी गणेश ठाडा मगर ले जनाएको छ ।