श्रीलंकामा आज राष्ट्रपतिको निर्वाचन, त्रिकोणात्मक प्रतिस्पर्धाको सम्भावना

श्रीलंकामा जारी संकटका बीच राष्ट्रपतिको निर्वाचन हुन लागेको हो । श्रीलंकामा आज बुधबार हुने राष्ट्रपतीय निर्वाचनमा त्रिकोणात्मक प्रतिस्पर्धा हुने अनुमान गरिएको ।

यसैबीच विपक्षी उम्मेदवार सजित प्रेमदासले अल्हपेरुमाको समर्थनमा आफ्नो उम्मेदवारी फिर्ताको घोषणा गरेका छन् । सांसदहरूले मंगलबार कार्यवाहक राष्ट्रपति रनिल विक्रमासिंघे सहित तीन जनाको नाम उम्मेदवारका रूपमा प्रस्ताव गरेका थिए ।

राष्ट्रपति पदका लागि सांसदहरुले रणिल विक्रमासिङ्घे (७३), दुल्लास अल्हपेरुमा (६३) र अनुरा कुमारा दिसानायके (५३) को नाम प्रस्ताव गरेका थिए । अल्हपेरुमा एक कट्टर सिंहली बौद्ध राष्ट्रवादी र सत्तारुढ श्रीलंका पोदुजाना पेरामुना (एसएलपीपी) पार्टीका सदस्य हुन्। प्रमुख प्रतिपक्षी नेता एस. प्रेमदासले समर्थन दिएर नाम फिर्ता लिएका छन् । अर्कोतर्फ दिसानायके वामपन्थी जनता विमुक्ति पेरामुना (जेवीपी) का प्रमुख सदस्य हुन्।

नयाँ राष्ट्रपतिको कार्यकाल पूर्वराष्ट्रपति राजापाक्षेको बाँकी कार्यकाल नोभेम्बर २०२४ सम्म रहनेछन्।