कंचनरूप नगरपालिका काे प्रशासकिय भवनकाे शिलान्यास

सप्तरी । ८ कराेड ५८ लाख काे लागतमा भवन निर्माण हुने राजबिराज सप्तरीको कञ्चनरूप नगरपालिकाको प्रशासकीय भवनको बुधवार शिलान्यास भएको छ ।

आफ्नो सुविधासम्पन्न र आधुनिक प्रशासकीय भवनको नगरपालिकाका नगर प्रमुख ललन प्रसाद गुप्ताले शिलान्यास गरेका हुन्।

कञ्चनरूप –८ स्थिति हाटबजार लाग्ने देखी पश्चिम विद्युत प्राधिकरण कञ्चनपुर देखी उत्तर र चन्द्र नहर पूर्वमा खाली रहेको आफ्नै चार कठ्ठा जमिनमा निर्माण गरिने भवनको आज नगरका प्रमुख गुप्ताले शिलान्यास गरे ।

प्रशासकीय भवनको शिलान्यास गर्दै नगर प्रमुख गुप्ताले भौतिक पूर्वाधार अभाव हुँदा पनि स्थानीय तहले महत्वपूर्ण काम गरिरहेको बताए । ८ करोड ५८ लाख ६६ हजार ८ सय ५ रुपैयाँ ६३ पैशामा भवन निर्माण हुन थालेको नगरपालिकाका प्रमुख प्रशासकीय अधिकृत रेणुका साहले जानकारी दिइन ।

उक्त भवन निर्माणको ठेक्का डोलेश्वर महादेव रायुष जेभिले पाएको छ । उक्त भवन २०८१ साल वैशाख २५ गते सम्म सम्पन्न गर्ने गरी सम्झौता भएको छ।