उपमेयर द्धारा गोप्य कक्षभित्र जबरजस्ती करणीको प्रयास गरेको  घटना सार्वजनिक

लहान । सिरहाको लहान नगरपालिकाका उपमेयर राम चलितर महतो विरुद्ध  जबरजस्ती करणी उद्योग सम्बन्धी प्रहरीमा उजुरी परेको छ ।

उपमेयर महतोले जागिर लगाइदिनछु भनेर २१ वर्षीया स्थानीय एक महिलालाई आफ्नै कार्यकक्षमा जबरजस्ती करणीको प्रयास गरेको  घटना सार्वजनिक भएको छ ।  कम्प्युटर अपरेटर पदमा जागिरका लागि निवेदन दिएकी महिलालाई एक महिनाअघि बिहान ८ बजे कार्यालयमा बोलाएर गोप्य कक्षभित्र लगेर जबरजस्ती करणीको प्रयास गरेको छ ।

राजनीतिक दबाबका कारण गाउँमै पञ्च भेला गरेर घटना लुकाउन प्रयास त गरियो तर पञ्चहरु विफल भएपछि अन्ततः ती महिलाले जिल्ला प्रहरी कार्यालयमा बिहीबार जबरजस्ती करणी उद्योगमा जाहेरी दर्ता गराएकी छिन । उपमेयर महतोले कार्यकक्षको गोप्य कक्षभित्र लगेर जबरजस्ती करणीको प्रयास गरेको ती महिलाले जाहेरीमा उल्लेख गरेकी छिन् । प्रहरी प्रवक्ता डिएसपी सुवास बुढाथोकीले बताए ।

उपमेयर महतो जनता समाजवादी पार्टी बाट गत स्थानीय तहको निर्वाचनमा लहान नगरपालिकाको उपमेयरमा निर्वाचित भएका थिए ।