सप्तरी क्रिकेट टिम का खेलाडीहरू सम्मानित

सप्तरी क्रिकेट बिकास को लागि आफु सक्दो सहयोग गर्ने : उपप्रमुख ईसरत

राजबिराज ।  महेन्द्र नारायण निधी प्रदेशस्तरी क्रिकेट प्रतियोगिताका बिजेता सप्तरीका टोलीलाई बुधवार एक कार्यक्रमका बिच नगद तथा प्रमाणसहित सम्मान गरिएको छ ।

राजबिराज नगरपालिकाका कार्यवाहक नगरप्रमुख ईसरत परवीनको प्रमुख आतिथ्यतामा आयोजित सम्मान कार्यक्रममा बिजेता टोलीका खेलाडीहरु लाई प्रमुख ईसरत प्रविणले नगद १२ हजार ५ सय तथा प्रमाणपत्र सहित सम्मान गरेका थिए।

सम्मानित हुने हरूमा सप्तरी टिमका कप्तान महवुव आलम, राहुल मण्डल, अभिशेक कार्कि, रोहित सिंह, अमित यादव, निरज यादव, राज बर्मा रहेको छ ।

यसैगरी सोही अवसरमा उपप्रमुख प्रविण ले सप्तरी अम्पाएर तथा स्कोरर संघका निर्वाचित अध्यक्ष निरज सिँह सहितका पदाधिकारीहरुलाई समेत प्रमाण पत्र सहित सम्मान गरिएको छ ।

सप्तरी क्रिकेट सँघका अध्यक्ष आयुष श्रेष्ठ को अध्यक्षतामा आयोजित सम्मान कार्यक्रममा नेपाल पत्रकार महासंघ सप्तरीका अध्यक्ष श्रवण कुमार देव, नेपाल क्रिकेट संघका प्रमुख छनौटकर्ता दिपेन्द्र चौधरी, सिटिजन ईन्टरनेश्नल बैंकका शाखा प्रबन्धक फिरोज अहमद, पत्रकार शौरव यादवलगायत ले खेलाडीहरूलाई बधाई दिएका थिए।

गत असार १७ गते देखि २० गते सम्म बालबालिका, महिला, युवा तथा खेलकुद मन्त्रालयसँगको साझेदारीमा तथा मधेश क्रिकेट संघको सहयोगमा सप्तरी क्रिकेट संघद्वारा आयोजित प्रदेश स्तरी महेन्द्र नारायण निधी प्रदेश स्तरीय क्रिकेट प्रतियोगितामा सप्तरीले सिरहालाई ६ बिकेटले पराजित गर्दै उपाधी जितेको थियो ।