अबैध चोरी निकासी नियन्त्रण कार्यमा प्रहरीको उल्लेखनीय सफलता: सप्तरी प्रहरी प्रमुख काफ्ले

आर्थिक बर्ष २०७८/७९ को बार्षिक प्रतिवेदन सार्वजनिक

राजविराज, १३ साउन । जिल्ला प्रहरी कार्यालय सप्तरीले आर्थिक बर्ष २०७८/७९ को बार्षिक कार्य प्रगति प्रतिबेदन सार्वजनिक गरेको छ । जिल्ला प्रहरी कार्यालयमा शुक्रबार आयोजित पत्रकार सम्मेलन मार्फत वार्षिक प्रतिबेदन सार्वजनिक गरेको हो ।

पत्रकार सम्मेलनमा सप्तरीका प्रहरी प्रमुख प्रहरी उपरीक्षक अविनारायण काफ्लेले आर्थिक बर्ष २०७८/०७९ को कार्य प्रगति विवरण प्रस्तुत गरे। प्रस्तुत प्रतिबेदनमा भारत तर्फ लैजाने क्रममा घरेलु मदिरा ८ हजार ६ सय २४ लिटर तयारी मदिरा पक्राउ गरि नष्ट गरेको जनाएको छ ।

साथै अबैध रुपमा भारततर्फ लौजादै गरेको मदिरा र प्रयोग भएको सवारी साधन गरी ७ लाख ८१ हजार ५० रुपैयाँ बराबरको भन्सार बुझाएको प्रतिबेदनमा उल्लेख छ । प्रतिबेदनमा उल्लेखनीय मात्रमा गाँजा फडानी, अबैध काठ नियन्त्रण, हातहतियार पक्राउ, श्रोत नखुलेको १७ लाख १८ हजार रुपैया वरामद् गरी बुझाएको प्रहरी उपरीक्षक काफ्लेद्वारा प्रस्तुत प्रतिबेदनमा जनाएको छ ।

यसैगरी लागू औषधतर्फ १ सय ४१ जना मानिस पक्राउ गरि १ सय ५ वटा मुद्दा दर्ता गराएको ठूलो परिणाममा लागुऔषध बरामद् गर्न सफल भएको जनाएको छ । प्रहरीले अबैध रुपमा बालुगिट्टी चोरी निकासी, चौपाया चोरीको घटना नियन्त्रण लगायतका कार्यमा उल्लेखनीय रुपमा सफलता हासिल गरेको जनाएको छ ।

यस्तै फारर प्रतिवादी पक्राउ, महिला हिंसाको घटनामा नियन्त्रण जस्ता अपराधिक क्रियाकलापलाई न्यूनीकरण गर्न सफल भएको तथा करोडौं राजस्व दाखिला गराएको जनाएको छ । प्रहरीले बिभिन्न संस्थाहरुसंगको सहकार्यमा बिभिन्न सामाजिक कार्यहरुसमेत गरिएको प्रतिबेदन प्रहरी उपरीक्षक काफ्लेले प्रस्तुत गरे ।

उनले संगठनको बदनाम गर्ने गरी मोटरसाइकलको हावा खोल्ने प्रहरी हवलदारसहित प्रहरीसंगठनप्रति आँच लयाउने प्रहरी अधिकारीहरुलाई समेत कारबाही गरेको बताए ।

ट्राफिक नियम उलंघन गर्ने सवारी साधनमाथि कारबाही गरी करोडौ राजस्व असुली गरेको र स्थानीय निर्वाचनलाई शान्तिपूर्वक सम्पन्न गराउन सफल भएको प्रहरीको बार्षिक प्रगति प्रतिबेदनमा उल्लेख गरिएको छ ।

कार्यक्रममा सामुदायिक सेवा केन्द्रका प्रतिनिधिहरु र संचारकर्मीहरुको उपस्तिथि रहेको थियो ।