संचारकर्मि दिनेश शर्मा माथि छिमेकी द्वारा निर्घात कुटपिट

राजविराज,०५ भाद्र । नेपाल पत्रकार महासंघका प्रदेश परिषद् सदस्य दिनेश शर्मामाथि छिमेकी वाट निर्घात कुटपिट भएको छ । छिमेकी कुमार भनेर चिनिने गोकुल कार्की र श्रीमति राधिका सुवेदी कार्कीले पत्रकार शर्मालाई मरासन्न हुने गरी कुटपिट गरेको छ ।

छिमेकी कार्की दम्पत्तिले  कुटपिट गर्दा शर्माको हात भाँचिएको र जिउमा चोटपटक लागेको शर्माका श्रीमति कल्पना पराजुलीले बताइन् । घटना लगत्तै इलाका प्रहरी कार्यलय कंचनपुरमा निबेदन दिएपनि कुनै कारबाही नभएको पीडित पत्रकार शर्माले गुनासो गरे ।

बिगत केहि महिना अगाडिदेखि गोकुल कार्की र पराजुली परिवार बीच खानेपानीको बिषयमा झगडा हुँदै आएको थियो । कार्कीले पत्रकार दिनेशको दाजु केदार पराजुलीको घरमा जाने खानेपानीको पाइप काटेकाले पराजुलीले सो बिषयमा सप्तकोशी नगरपालिकास्थित न्यायीक समितिमा निबेदन हालेका थिए । सोही निहुँमा बाटो छेकेर छिमेकी कार्की दम्पत्तिले कुटपिट गरेको पत्रकार शर्माको आरोप छ ।

कार्यबाहक अध्यक्ष डम्बर राईले शनिबार एक प्रेस विज्ञप्ति जारी गर्दै  शर्मामाथि भएको कुटपिट घटाना प्रति घोर भत्सर्ना गर्दै पीडक कार्की दम्पत्तिलाई अविलम्ब पक्राउ गरी कानुन बमोजिम कारबाही होस् भनी स्थानीय प्रशासनसँग जोडदार माग गरेको छ ।