छोटी नहरमा डुबेर एक बालकको मृत्यु

राजविराज,०५ भाद्र । सप्तरीको सप्तकोशी नगरपालिका २ सिद्धिपुर स्थित  नहरमा डुबेर एक बालकको मृत्यु भएको छ ।

आफ्नै घर नजिकै रहेको छोटी नहरको डिलमा खेल्दै गरेको सोहि नगरपालिका वडा नं. १ का कार्यालय सहयोगी राजकुमार रामको दुई वर्षीय छोरा सन्दिप रामको आज बिहान ८ बजे नहरमा डुबेर मृत्यु भएको हो ।

डुबेको ४ घण्टापछि दिउँसो १२ बजे घरदेखि डेढ किलोमिटर दक्षिण नहरमा बालकको शव फेला परेको प्रहरीले जनाएको छ । घटना बारे थप अनुसन्धान भईरहेको प्रहरी चौकी फत्तेपुरले जनाएको छ ।