विवेक, सोमपाल र दुई व्यवस्थापकको भिसा आयो, ३ जना खेलाडीको अझै आएन 

राजबिराज,०८ भाद्र । केन्याविरुद्धको पहिलो टी –२० अन्तर्राष्ट्रिय  खेल सुरु हुन एक दिनमात्र बाँकी रहँदा भिसा समस्याका कारण नेपालका पाँच जना क्रिकेटर सहित ट्रेनर र व्यवस्थापक केन्या भ्रमण जान पाएका छैनन् । भिसा समस्याकै कारण सिरिज सुरु हुन केही घण्टा मात्र बाँकी रहँदा टोली भने अपूर्णे छ ।

मंगलबार सम्म भिसा आउन नसकेका सोमपाल कामी र विवेक यादव तथा ट्रेनर अब्दुल सतार र  म्यानेजर सुनिल महासेठको भिसा आइसकेको छ भने अन्य ३ खेलाडीहरू बसिर अहमद, साहब आलम र आदिल अन्सारीको भिसा आउन नसकेको क्यानका कार्यवाहक सचिव प्रशान्त विक्रम मल्लले रे  जानकारी दिए । मल्लका अनुसार भिसा आएका दुई खेलाडी र २ जना टिम व्यवस्थापक आजनै केन्या प्रस्थान गर्ने छन् भने बाँकी रहेका ३ खेलाडी भिसा आएपछि त्यस तर्फ प्रस्थान गर्ने छन् ।

यद्यपि नेपाल र केन्याविरुद्धको पहिलो टी –२०  भोलि विहीबार खेलिने भएकाले भिसा आउन बाँकी तीन खेलाडी पहिलो खेलका लागी उपलब्ध हुने सम्भावना रहेको छैन । केन्याविरुद्धको पाँच खेलको टि –२० आई र तीन खेलको एकदिवसीय सिरिजका लागी नेपाली टोलीका ११ खेलाडी सोमबार नै त्यस तर्फ प्रस्थान गरिसकेका छन् ।

केन्याको अनलाइन भिसा फम भर्नुपर्ने र सबैको फम एकै दिन भरिए पनि सबै भिसा एकै समय नआएका कारण समस्या परेको मल्लले बताउनु भयो ।

नेपालले केन्यासँगको पहिलो टि –२०  खेल भदौ ९ मा खेल्नेछ । त्यस्तै दोस्रो टि –२०  खेल भदौ १० गते, तेस्रो टि –२०  भदौ १२ गते, चौथो खेल भदौ १३ गते र अन्तिम टि –२० आई खेल भदौ १४ गते खेल्नेछ । त्यसपछि क्रमश भदौ १७, १८ र २० गते एकदिवसीय खेल खेल्नेछ ।

यस भ्रमण अन्तर्गतको टि– २०  सिरिज नेपालका लागी निकै महत्वपूर्ण रहेको छ । यस सिरिजले नेपालको टि –२० वरियतामा ठूलो प्रभाव पार्नेछ ।

वरियताकै आधारमा सन् २०२४ मा अमेरिका र वेस्टइन्डिजमा हुने टि –२० विश्वकपमा शीर्ष १० बाहेक त्यस पछिका शीर्ष दुई टोलीले सोझै विश्वकप खेल्न पाउने छन् । साथै यसै सिरिजबाट नवनियुक्त मुख्य प्रशिक्षक मनोज प्रभाकरले नेपाली टोली सम्हाल्नु हुने भएकाले यसलाई उहाँको परीक्षाको रुपमा समेत हेरिएको छ ।