समाजवादी प्रेस संगठन सप्तरी द्वारा स्थापना दिवसको अवसरमा रक्त दान कार्यक्रम

राजबिराज, ११ भाद्र । समाजवादी प्रेस संगठन नेपालको स्थापना दिवसको अवसरमा रक्त दान कार्यक्रम गरी स्थापना दिवस मनाएको छ । 

सप्तरीको राजबिराज  स्थित गजेन्द्र नारायण सिंह अस्पताल परिसरमा रहेको ब्लड बैंकमा शनिवार रक्त दान कार्यक्रम गरी  समाजवादी प्रेस संगठन नेपाल स्थापना  दिवस मनाएको हो । उक्त अवसरमा प्रेस संगठन शाखा सप्तरी सदस्य रवि रायले रक्तदान गरी शुभारम्भ गरेका थिए ।

यसैगरी  नेकपा एकीकृत समाजवादी पार्टी सप्तरी का अध्यक्ष प्रताप नारायण चौधरी ,नेपाल  बुद्धिजीवी परिषदका केन्द्रीय सचिवालय सदस्य नथुनी दास, नेपाल बुद्धिजीवी परिषद  (समाजवादी) सप्तरीको अध्यक्ष अनिल कुमार अनल,  समाजवादी प्रेस संगठन केन्द्रीय सदस्य अम्बिका दाहाल, नर्मदेव यादव प्रदेश सहसचिव प्रमोद चालिसे, सल्लाहकार सुरेन्द्र गुप्ता, जिल्ला उपाध्यक्ष सुनिल झा,अनेम संघ समाजवादीकी जिल्ला अध्यक्ष ममता चौधरी, जिल्ला प्रहरी कार्यालय सप्तरीका प्रमुख प्रहरी उपरीक्षक अबिनारायण काफ्ले लगायत  पत्रकार बैजनाथ झा, मनोज माझी, नवीन गुप्ता, दिनानाथ यादव, चन्दन यादव लगायतको उपस्थिति रहेका थियो ।

रक्त दान कार्यक्रममा नेपाल प्रहरी, नेपाल सेना  समेतले  रक्तदान गरेका थिए ।