बिपद्को जोखिम लाई नक्सांकन पहिचान गरी प्रतिकार्य गर्नुपर्नेमा जोड

राजविराज, १२ भाद्र । जिल्लामा हुने बिपद्को जोखिम लाई पहिचान सँगै नक्सांकन गरी प्रतिकार्य गर्नुपर्नेमा  सरोकारवालाहरूले जोड दिएका छन् । 

सबल नेपालको आयोजनामा तथा सेभद चिल्ड्रेनको सहयोगमा र जिल्ला विपद व्यवस्थापन समिति को समन्वयमा आयोजित विपत प्रतिकार्य कार्यशाला गोष्ठीमा सो कुरा बताएको हो । 

कार्यक्रममा जिल्ला विपत व्यवस्थापन समितिका अध्यक्ष तथा प्रमुख जिल्ला अधिकारी जनार्दन गौतमले बिपतको जोखिम लाई पहिचान गरी न्यूनिकरण तर्फ स्थानीय निकाय गम्भीर हुनुपर्नेमा जोड दिनु भयो ।

उनले भने स्थानीय निकायले जोखिमलाई प्राथमिकतामा नराख्दा बिपत का खटना लाई न्युनिकरण गर्न नसकेको बताउनु भयो । 

सप्तरीमा बर्सेनि कोशी, महुली, खाडो, जिता खोलामा आउने बाढीको व्यवस्थापन गर्नका लागि स्थानीय तहले आवश्यक बजेट छुट्याइ योजना बनाई विपत वाट हुने क्षतिलाई न्यूनिकरण गर्न तर्फ गम्भीर हुनुपर्ने सुझाव दिए । 

कार्यक्रममा हनुमाननगर कंकालिनी नगरपालिका उपप्रमुख सरिता यादव ले विपत कुनै वेला आउने भएकोले सबै स्थानीय तहले विपत प्रतिकार्यका लागि आवश्यक बजेट छुटाउन आग्रह गरेकी छिन । 

उनले भनी खाडो नदि लगायत अन्य नदिहरूको नियन्त्रण तथा रोकथाम कार्य प्रभावकारी नहुदाँ जोखिम कायमै रहेकोले स्थानीय तह सहित संघ सरकार सहित सरोकारवाला निकाय गम्भीर हुनुपर्नेमा जोड दिइनँ । 

कार्यक्रममा सहायक प्रमुख जिल्ला अधिकारी चिरन्जिवी गरी, कोशी पीडित समाजका निर्देशक देव नारायण यादव, सेभद सप्तरीका अध्यक्ष ध्रुव प्रसाद देव, सबल नेपाल का निर्देशक दिपक झा, सबल नेपाल का कार्यक्रम संयोजक रोशन मण्डल, तिलाठी कोईलाडी गाउपालिका विपद संयोजक राजेश झा, सबल नेपाल का परमेश्वर झा, निरबहादुर आले, रुपनी गाउपालिका विपत संयोजक मिथलेश यादव, खडक नगरपालिका का वसन्त दास, लगायत विभिन्न पालिकाका विपद व्यवस्थापन समितिका प्रतिनिधि, सुरक्षा निकायहरूका प्रतिनिधि, सञ्चारकर्मीहरू लगायतको उपस्थिति रहेको थियो।