सप्तरी क्षेत्र नम्बर २ (क) बाट प्रदेश सभाको लागि किशोर यादवको नाम सिफारिस

राजबिराज, २१ भाद्र । जनता समाजवादी पार्टी (जसपा) नेपालले सप्तरी क्षेत्र नम्बर २ (क) बाट युवा नेता किशोर कुमार यादव (केसी) को नाम सिफारिस गरेको छ । 

जसपा क्षेत्रीय समितिको बैठकले केसीसहित तीन जनाको नाम सिफारिस गरेका छन् ।  मधेस प्रदेश सरकारका अर्थमन्त्री शैलेन्द्र प्रसाद साह,  प्रदेशसभा सदस्य नेत्रविक्रम साह, जसपा केन्द्रीय सदस्य अमरनाथ मण्डल, सत्यनारायण यादवको नाम समेत सिफारिस गरिएको हो

क्षेत्रीय समितिबाट भएको सिफारिसको आधारमा जिल्ला समितिले समेत प्रदेश समितिलाई सिफारिस पठाइसकेको र अब सोही सिफारिसको आधारमा प्रदेश समितिले उम्मेदवार चयन गर्न केन्द्रीय कार्यकारिणी समितिमा पठाउन जनाएको छ । 

क्षेत्रीय समिति र जिल्ला समितिबाट उम्मेदवारको रुपमा सिफारिस भएसँगै विद्यार्थी मञ्चका केन्द्रीय अध्यक्ष समेत रहिसकेका विद्यार्थी नेता यादवले चुनावी अभियान सुरु गरेको छ । 

नेपाल सद्भावना पार्टीका संस्थापक स्व. गजेन्द्र नारायण सिंहको प्रेरणाबाट मधेसवादको राजनीतिमा सक्रिय रहँदै विद्यार्थी आन्दोलनसँगै मधेश आन्दोलनमा नेतृत्वदायी भूमिका निर्वाह गर्दै आएका यादव पहिलो पटक संसदीय निर्वाचनमा उम्मेदवार बन्न लागेको हो । 

नेपाल सद्भावना पार्टीको विद्यार्थी सङ्गठनदेखि जनता समाजवादी पार्टी निकट विद्यार्थी मञ्चको केन्द्रीय नेतृत्व गरिसकेका नेता यादव हाल जसपा नेपाल मधेस प्रदेश समितिका सदस्य हुनु । 

उनी लामो समयदेखि मधेशी तथा उत्पीडित सदयको हकहितका लागि संघर्ष गर्दै आएको छ। पार्टीले उम्मेदवारको रुपमा सिफारिस गरेकोमा क्षेत्रीय कमिटीलाई धन्यबाद ज्ञापन गर्दै यादवले पार्टीले उम्मेदवार बनाए आफू चुनाब लड्न तयार रहेको बताए । 

क्षेत्रीय समितिबाट सिफारिस भएका मध्ये आफू उम्मेदवारको लागि उपयुक्त रहेको र आफ्नो जित्ने थुप्रै आधार रहेकाले पार्टी उम्मेदवार बनाउनेमा विश्वस्त रहेको यादवको भनाई छ ।

लामो समयसम्म जनताको हक, अधिकार रक्षाका लागि अग्रपङ्तिमा बसेर काम गरेको, विद्यार्थी राजनीतिकबाट आएको, जनताको सुख र दुखमा साथ दिएको र मधेश आन्दोलनमा अग्रपङ्क्तिमा रहेर आन्दोलन गरेकाले जनताले आफ्नो पक्षमा मत दिने उहाँको विश्वास छ ।