मधेशी निजामती कर्मचारी मञ्चका पुर्व अध्यक्ष सिंह सप्तरी २ (क) बाट सिफारिस 

राजविराज, २२ भाद्र । लोकतान्त्रिक समाजवादी पार्टी नेपालको तर्फबाट प्रदेशसभा सदस्य उम्मेद्वारका लागि सप्तरी निर्वाचन क्षेत्र नं. २ (क) बाट नेपाल मधेशी निजामती कर्मचारी मञ्चका संस्थापक अध्यक्ष विनोद कुमार सिंह सिफारिस भएका छन् ।

मंगलबार बसेको निर्वाचन क्षेत्रस्तरीय समितिले सिंहलाई प्रदेशसभा सदस्य उम्मेद्वारको रुपमा सिफारिस गरेको हो ।

मधेशी निजामती कर्मचारी मञ्च सप्तरीका अध्यक्ष अजय कुमार झा भन्छन्, ‘सिंह जस्तो जुझारु र इमान्दार व्यक्तित्व प्रदेशसभाका लागि सिफारिस हुनु एकदमै सकारात्मक र परिवर्तनको सन्देश दिएको छ ।’