राजबिराज-सिरहा सडक खण्ड निर्माणको माँग गर्दै चक्काजाम 

राजविराज, २५ भाद्र । राजबिराज सिरहा सडक खण्ड निर्माणको माँग गर्दै  स्थानीयवासीहरूले सडक अवरोध गर्दै प्रदर्शन गरेको छ । राजबिराज वडा ६ र ७ का स्थानीय युवाहरूले नेता चौक देखि पश्चिम जोडने सडकको निर्माणको माँग गर्दै नेता चौकमा बास लगाएर सडक अवरोध गरेका छन् ।

वर्षौ देखि जीर्ण रहेको उक्त सडकमा वर्षाका पानीले गर्दा हिलोमय हुने भएकोले सर्वसाधारण लाई आवतजावतमा कठिनाइ हुने गरेकोले अविलम्व सडक निर्माण गर्नुपर्ने स्थानियबासीहरूले माँग गरेकाे छ।  सडक निर्माण सँगै नेता चौक देखि पश्चिम सिरहा रोडको वरिपरि रहेका अतिक्रम समेत हटाउन युवाहरूले प्रदर्शन गरेका छन् ।

यता राजबिराज नगरपालिका कार्यवाहक मेयर ईसरत प्रविण लाई स्थानीय युवाहरूले नेता चौकमा घेराउ गर्दै अविलम्ब अधुरो सडक निर्माण गर्न आग्रह गरेको छ । प्रमुख प्रविणले नेता चौक देखि सिरहा सडक खण्ड निर्माण कार्य चाडै सुचारू गर्न पहल गर्न प्रतिबद्धता जनाएको छ भने सडकको दुबै पटी अतिक्रमण गरी राखेको संरचना हटाउन आग्रह गरेकी छिन ।

उक्त खण्डमा कार्यवाहक मेयर ईसरत प्रविणकाे पहलमा तत्काल काम सुचारू गरेपछि चक्का जाम तत्काल लाई स्थगित गरिएकाे स्थानिय युवा खेलान्नद दास ले जानकारी दिए ।