गाईको बाछी काटेको आरोपमा सप्तरी बाट एक जना पक्राउ 

राजविराज,२६ भाद्र । गाईको बाछी  काटेको अभियोगमा एक जना पक्राउ परेका छन् । सप्तरी प्रहरीका प्रवक्ता डीएसपी माधव प्रसाद काफ्लेका अनुसार पक्राउ पर्नेमा महादेवा गाउँपालिका ४ बलिया बस्ने ६५ वर्षका सकुर मियाँ छन् । 

गोप्य सूचनाको आधारमा इलाका प्रहरी कार्यालय कञ्चनपुर र प्रहरी चौकी डिमन बाट खटिएको टोलीले मियाँलाई पक्राउ गरेको छ । मियाँको घरबाट अन्दाजी ६ किलो मासु र चार वटा खुट्टा समेत फेला परेको छ ।

घट्ना सम्बन्धमा थप अनुसन्धान कार्य भई रहेको जिल्ला प्रहरी कार्यालय सप्तरीले जनाएको छ ।