पोखरीमा डुबेर एक बालकको मृत्यु

राजविराज,२८ भाद्र । घर नजिकैको पोखरीमा खेल्ने क्रममा एक बालकको डुबेर मृत्यु भएको छ । शम्भुनाथ नगरपालिका वडा नं ७ भगवतपुर बस्ने सचिन्द्र सदाको ५ वर्षीय छोरा सुदीप कुमार सदाको पोखरीमा डुबेर मृत्यु भएको छ । 

आफ्नो घरदेखि १०० मिटर पूर्वमा रहेको वसन्त सरदारको सानो पोखरीमा खेल्ने क्रममा मृत्यु भएको छ । पोखरीमा डुबी अचेत भएका सदाको छिन्नमस्ता अस्पताल राजबिराज सप्तरीमा उपचारको क्रममा मृत्यु भएको हो । 

घटनाबारे अनुसन्धान सुरु गरिएको जिल्ला प्रहरी कार्यालय सप्तरीले जनाएको छ ।