भारतको चर्चित हास्य कलाकार राजु श्रीवास्तवको निधन

एजेन्सी । भारतीय चर्चित हास्य कलाकार राजु श्रीवास्तवको आज (बुधवार) बिहान दिल्लीमा निधन भएको छ । उनी अगस्ट १० देखि दिल्लीको एम्स अस्पतालमा भर्ना  थिए ।

राजु श्रीवास्तव मूलतः कानपुरका थिए र उनको वास्तविक नाम सत्य प्रकाश श्रीवास्तव थियो । पर्दामा गजोधर भैयाको नाम लिएर उनले जनताको मनमा छुट्टै ठाउँ बनाएका थिए । उनको ५८ वर्षको उमेरमा निधन भएको हो ।

जिममा कसरत गर्ने क्रममा उनलाई हृदयघात भएको थियो, त्यसपछि उनलाई अस्पताल भर्ना गरिएको थियो ।