जसपाले सप्तरी निबार्चन क्षेत्र नम्बर १ र २ सहित १३ सिट पाउने सत्ता गठबन्धनको सहमति

काठमाण्डौ, १३ असोज । जनता समाजवादी पार्टी (जसपा) ले मसिर ४ मा हुने प्रतिनिधि सभाको चुनाबको लागी सत्ता गठबन्धन बाट १३ सिट पाउने भएको छ । बुधबार अबेर रातिसम्म बसेको सत्ता गठबन्धनको बैठकमा जसपाले १३ सिट पाउने करिब करिब सहमति भएको हो ।

सहमतिअनुसार जसपाले  सप्तरी निबार्चन क्षेत्र नम्बर १ र २ , सिरहा ४, महोत्तरी ४, सर्लाही १, रौतहट ३, बारा २ र ३, पर्सा १ र २, सुनसरी १, काठमाण्डु ७, र  बाँके बाट एउटा सिट पाउने भएको छ । 

धनुषा र महोत्तरी ३ मा कांग्रेसको पनि दावी रहेकाले सहमति हुन सकेको छैन । यस्तै रुपन्देही १ मा  माओवादीको पनि दाबी रहेकाले सहमति हुन नसकेको हो ।

यता सत्ता गठबन्धनले  कांग्रेसलाई ८३ सिट, माओवादी केन्द्रले ३६ सिट, एकीकृत समाजवादी पार्टीले १४ सिट र राष्ट्रिय जनमोर्चाले २ सिट   पाउने सहमति भएको  गठबन्धनका एक नेताले बताए ।