अन्तराष्ट्रिय ज्येष्ठ नागरिक दिवसमा राजदेवीमा बृहत् सरसफाइ 

राजबिराज, १५ असोज । अन्तराष्ट्रिय ज्येष्ठ नागरिक दिवसको अवसरमा राजबिराज वडा नम्बर २ मा सरसफाइको आयोजना गरिएको छ । 

राजबिराज वडा २ ज्येष्ठ नागरिक संघको अगुवाइमा र २ नम्बर वडा कार्यालयको सम्वन्यमा आफ्नो घर आँगन सफा राखुँ नारा सहित जनचेतनामूलक सरसफाइ कार्यक्रमको आयोजना गरिएको हो । 

वडाको राजदेवी मन्दिर वरिपरि, राजदेवी चौक, राजदेवी देखि तेतरी गाछी सडक खण्डको दायाँ बायाँ क्षेत्रमा सरसफाइ गरिएको ज्येष्ठ नागरिक अध्यक्ष रामदेव यादवले जानकारी दिए । 

उक्त अवसरमा वडा अध्यक्ष अरुण कुमार यादव, वडा सदस्य मोहम्मद राजुउद्विन, वडा सदस्य बिहारी साह, लगायत अस्थायी प्रहरी बिटका प्रहरी र स्थानीयवासीहरूको सहभागितामा बृहत् सरसफाइ तथा विजया दशमीको अवसरमा शुभकामना आदान प्रदान कार्यक्रम सम्पन्न गरेको छ ।