बरख गण बाट राजबिराजको राजदेवी मन्दिरमा फूलपाती पठाइयो

राजबिराज,१६ असोज । बरख गण राजबिराजले दसैँ घरबाट राजदेवी मन्दिरको लागि फूलपाती सहितको डोली पठाइएको छ ।

आइतबार विधिपूर्वक पूजाअर्चना गरी राजबिराज २ स्थित राजदेवी मन्दिरमा आज बिहान ७ बजेर १० मिनेटको शुभसाइतमा फूलपातीसहित डोली पठाइएको हो । 

फूलपातीको डोली बरख गणले बाजा गाजा सहित राजबिराजको परिक्रम गर्दै मन्दिरमा प्रत्येक बर्ष फूलपाती भित्र्याउने प्रचलन रहँदै आएको छ । 

नेपाली सेना गण वाट सुरु गरेदेखि बर्सेनि बडादसैँको सातौँ दिन राजबिराज २ स्थित गणको दसैँघरबाट फूलपातीसहितको डोली राजदेवी मन्दिर पुर्‍याएर भित्र्याउने प्रचलन रहँदै आएको बरख गण राजबिराजका मेजर ओमकार थापाले जानकारी दिएका छन् ।