राजदेवी राइजिङ द्वारा मैत्रीपूर्ण क्रिकेटको आयोजना गरी मित्रमिलन मनाइयो

राजबिराज, २२ असोज । बडादशैँको अवसरमा प्रत्येक वर्ष झै यस वर्ष पनि राजदेवी राइजिङ क्रिकेट क्लबले १२ औ मैत्रीपूर्ण क्रिकेटको आयोजना गरी मित्रमिलन मनाएको छ ।

शनिवार राजबिराज वडा २ स्थित सप्तरीको पुरानो उत्कृष्ट क्लबहरू मध्ये राजदेवी राइजिङ कल्वले बि.स २०६७ साल देखि निरन्तर क्लब सँग आबद्ध पुरानो खेलाडीहरू बिच मैत्रीपूर्ण क्रिकेट खेलको आयोजना गर्दै आएको छ । 

क्लबका साथीहरू बिच प्रत्येक वर्ष बडादशैँको अवसरमा पुरानो क्रिकेट खेलाडीहरू बिच मित्रमिलन सँगै एक अर्का सँग शुभकामना आदानप्रदानका लागि कार्यक्रम गर्दै आएको राजदेवी राइजिङ क्रिकेट क्लबका सचिव आयुष श्रेष्ठले बताए । 

आज शनिवार राजबिराजको राजदेवी माबि खेलमैदानमा राजदेबी ९(बुलु) टिम राजदेवी (एलो) टिम बिच भएको मैत्रीपूर्ण खेलमा एलो टिमले बलुलाई ७ रनले पराजित गरेको छ । 

टस जितेर टिम ब्लुले निर्धारित १५ ओभरको खेलमा सबै बिकेट गुमाई ५९ रनको योगफल खडा गरेका थिए । जवाफमा टिम एलोले १५ ओभरमा ९ बिकेट गुमाई ५२ रन मात्र बनाएपछि एलो टिमको जित हात पारेको हो । मैत्रीपूर्ण खेलमा राजदेवी एलो टिम तर्फ आयुष श्रेष्ठ, चन्दनकुमार यादब, अरूण यादब (रा.बि नपा २ वडा अध्यक्ष), बैजु देव, गोबिन्द यादब, मुकेश झा, खेलानन्द यादब, पंकज झा, राजेन्द्र साह रहेका थिए । 

त्यस्तै राजदेवी राइजिङ क्रिकेट क्लब (बुलु) टिममा जगरनाथ साह, कमानन्द यादब, राजेश झा, श्यामु राय, बिनोद रजक, सन्दिप देव, शिवकान्त देव, नितियानन्द यादब, देवेश चौधरी रहेका छन् ।
उक्त अवसरमा राजदेवी टिमका पुरानो खेलाडीहरू बिच बडादशैँ, शुभ दिपावली र छठ पर्वको शुभकामना आदानप्रदान गरी १२ वर्ष देखि साथीहरू बिच मित्रमिलान कार्यक्रम गरी मनाइएको क्लबका अध्यक्ष चन्दनकुमार यादवले जानकारी दिए ।