जसपा-एमाले गठबन्धन द्वारा २१ सदस्यीय चुनावी परिचालन समिति गठन

राजविराज, ३० असोज । सप्तरी निर्वाचन क्षेत्र नम्बर २ स्तरीय जसपा-एमाले संयुक्त चुनावका लागि २१ सदस्यीय चुनावी परिचालन समिति गठन गरिएको छ । 

राजविराज २ स्थित कृष्णा पार्टी प्यालेसमा आइतबार आयोजित दुई दलको संयुक्त क्षेत्रीय भेलाले चुनावी परिचालन समिति गठन गरेको हो । 

गठित चुनावी परिचालन समितिमा हरेराम यादव, प्रभाकर सिंह, नारायण यादव, सामेल रहमान, शैलेन्द्र यादव, चननजय यादव, अशोक गोईत, चौठी खंग, निरज झा, प्रदिप मण्डल, महेश यादव, रंजन झा, देव नारायण गुरमेता, अशोक पंडित, गुडु सिंह (सुरजित) राम नारायण यादव, मो। समिम, सामेश्वर मण्डल, उषा साह, सनु खातुन र अनिता देवकोटा छन् । 

जसपा सप्तरी निर्वाचन क्षेत्र नम्बर २ का अध्यक्ष नारायण प्रसाद यादवको अध्यक्षतामा आयोजित क्षेत्रीय स्तरीय भेलालाई जसपा केन्द्रिय कार्यकारिणी समिति सदस्य एवम् पूर्व मन्त्री मृगेन्द्र सिंह यादव, केन्द्रिय कार्यकारिणी समिति सदस्य एवम् प्रबक्ता मनिष सुमन, राष्ट्रिय सभा सदस्य परमिला यादव, राजनीतिक समिति सदस्य मधेश प्रदेशका अर्थ मन्त्री एवम् प्रदेश (क) बाट प्रदेश सभा सदस्य उम्मेदवार शैलेन्द्र प्रसाद साह, जसपा जिल्ला कार्यकारिणी समिति सदस्य एवम् (ख) प्रदेश सभा सदस्य उम्मेदवार लक्षमण यादव, नेकपा एमालेका प्रदेश सदस्य जय प्रकाश ठाकुर, हिरण्य प्रसाद गुप्ता, जसपा मधेश प्रदेश सचिव युसुफ अलि, जिल्ला उपसचिव अखलेश झाले शुभकामना मन्तव्य व्यक्त गरे । 

कार्यक्रमको संचालन एमाले क्षेत्र नं. २ का क्षेत्रीय अध्यक्ष प्रभाकर सिंहले गरे ।  दुई दलको संयुक्त भेलामा जसपा सप्तरीका अध्यक्षसहित पदाधिकारीहरू, एमाले सप्तरीका पदाधिकारीहरु लगायतका सप्तरी निर्वाचन क्षेत्र नम्बर २ अन्तर्गतका नेताकार्यकर्ताहरूको उपस्थिति रहेको थियो ।