शोषित उत्पीडित जनताको हक अधिकार स्थापित गराउन संघर्षरत छु : उपेन्द्र यादव

राजबिराज, ४ कार्तिक । जनता समाजवादी पार्टी नेपालका अध्यक्ष उपेन्द्र यादवले शोषित, उत्पीडन जनताको अधिकार स्थापित गराउन हामी संघर्षरत रहेको बताउनु भएको छ । 

उनले शोषण, दमन एवम् अत्याचारबाट मुक्ति दिलाउने जिम्मा जसपाको रहेको उल्लेख गर्दै भने अधिकार र विकास सँग सँगै अगाडि बढाउने बताए । राजबिराज वडा २ स्थित स्थानीय मतदाताहरू सँगको चुनावी अन्तरक्रिया कार्यक्रमलाई सम्बोधन गर्दै सो कुरा बताएको हो । 

अध्यक्ष उपेन्द्र यादवले मधेश विद्रोह वाट संघीयता र समावेशी, समानुपातिक प्रणाली स्थापित गराउन जसपा पार्टीले ठुलो भूमिका निर्वाह गरेको चर्चा गरे । 

उनले भने विकास र अधिकारले समाजको रूपान्तरण गरी विभेद, असमानताको अन्त गरी सबैलाई रोजगार सबैलाई अनिवार्य शिक्षा पाउने अधिकारलाई आत्म साथ गर्दै बिकसित जिल्लाको रूपमा परिवर्तन गर्न प्रतिबद्ध रहेको बताउनु भयो । 

निर्वाचन क्षेत्र २ प्रतिनिधि सभा सदस्य पदका उम्मेदवार समेत रहेका अध्यक्ष यादबले जसपाले काँग्रेस लगायतका ठूला पार्टीहरूले मधेश र मधेशी जनतालाई शोषण मात्र गर्दै आएको आरोप लगाए । 

पहिचान, स्वाभिमान, समावेशिता र समानताका लागि आफूहरू पार्टीको स्थापनाकालदेखि नै संघर्ष गर्दै आएको चर्चा गर्दै अध्यक्ष यादवले शोषण, दमन एवम् विभेदमा पारिएको समुदायका लागि अझै संघर्षरत रहेको चर्चा गरे । 

अबको वैकल्पिक शक्तिको रुपमा जसपा नेपाल मात्र रहेकोले आउने निर्वाचनमा जनताले मतदान गरेरै आफ्नो अभिमत जाहेर गर्ने उनले विश्वास व्यक्त गरे । 

आफूले सप्तरीमा नर्सिङ्ग कलेज, इन्जिनियरिङ् कलेज, रामराजा सिंह स्वास्थ्य विज्ञान प्रतिष्ठान, कृषि विश्वविद्यालय सय शैय्याको अस्पताललाई ४ सय २० बेडको सुविधा सम्पन्न अस्पताल, सडक सञ्जाल विस्तार, विद्यालय भवन निर्माण लगायतका कामहरू गरेको जानकारी गराए । 

उनले भने ‘मैले र मेरो पहलमा भएका कामहरू छर्लङ्ग छ, जनतालाई विकास गर्ने जनप्रतिनिधि चाहियो कि झुठा आश्वासन बाँड्ने नेता रु भ्रमको खेती गर्नेहरूमाथि विश्वास गदैन, जनता सप्तरीका जनता सचेत छन् ।’ 

राजबिराज नगरपालिका २ का अध्यक्ष अरूण यादबको अध्यक्षतामा आयोजित कार्यक्रममा पार्टीका नेता समेत रहेका राष्ट्रिय सभा सदस्य मृगेन्द्र कुमार सिंह यादव, संविधान सभा सदस्य रंजु ठाकुर,जसपा नेता अमृत साफी, अरूण प्रधान,नेकपा एमाले स्थानीय नेता मो।समिम अहमद लगायतले मन्तब्य व्यक्त गरेका थिए भने कार्यक्रमको संचालन प्रेस मंचका केन्द्रीय सदस्य चन्दनकुमार यादबले गरेका थिए ।