राजबिराज सिरहा सडक निर्माणको माँग गर्दै युवाहरु अन्दोलनमा

राजबिराज, १५ कार्तिक । सप्तरी सदरमुकाम राजविराजमा मंगलबार सडक अवरुद्ध गरी युवा प्रदर्शनमा उत्रिएका छन् । 

राजविराज नगरपालिका  ६ र ७ का युवाले सिरहा रोडको नेताचोक देखि राम मन्दिर सम्मको सडक निर्माणको काम छिटो सम्पन्न गर्न माग गर्दै प्रदर्शन गरेका हुन् । स्थानीयको आन्दोलनका कारण मंगलबार बिहानदेखि सो क्षेत्रको सवारी आवागमन प्रभावित भएको छ । 

प्रदर्शनकारीले संघीय सरकार र स्थानीय सरकारको उदासीनताका कारण सडक निर्माणले गति नलिएको भन्दै नाराबाजी गरेका छन् । अहिलेसम्म सडक निर्माणको काम समयमा सम्पन्न गराउन कुनै पहल नगरिएकाले आफूहरू आन्दोलनमा उत्रिएको प्रदर्शनकारी बताउँछन् । 

नेताचोक देखि राम मन्दिरसम्म सडक निर्माणको ठेक्का कान्छा राम कन्स्ट्रक्सनले पाएको छ ।  गएको भदौ २५ गते पनि युवाले सोही विषयलाई प्रदर्शन गरेका थिए ।