अदालत अगाडी दोश्रो पटक साह दम्पती आमरण अनशनमा

राजबिराज, १७ कार्तिक । मुद्दा र्फछौट गर्न ढिलाइ गरेको भन्दै  राजविराज वडा नम्बर ४ निवासी दिनेशप्रसाद साह र उनकी श्रीमती अदालतको मूल गेट अगाडि बिहीबार बिहान १० बजेदेखि दोश्रो पटक आमरण अनशनमा बसेका हुन् ।

सप्तरी जिल्ला अदालतबाट अंश मुद्दामा २०६४ साल मंसिर २५ गते दिनेश प्रसाद साह र उमेश प्रसाद साह दुबै दाजु भाइलाई ४/४ धुर जग्गा हुने गरि फैसला भएपनि सो फैसला अझै कार्यान्वयन हुन नसकेको दिनेश बताउँछ ।

जिल्ला अदालतले गरेको फैसला  विरुद्ध उनका दाजु उमेश प्रसाद साहले उच्च अदालत जनकपुर राजविराज इजलासमा रिट निवेदन दिए पछि फैसला  कार्यान्वयन प्रक्रिया लम्बिएको हो ।

यस अघि गत असोज ६ गते पहिलो पटक अनशनमा बसेका साह सम्पत्तिलाई उच्च अदालतका न्यायाधीशहरूले आउँदो असोज २७ गते हुने पेशीमा न्याय पाउने विश्वास दिलाएपछि सोही दिन साँझ अनशन तोडिएको साह दम्पतीले जानकारी दिए ।

उच्च अदालत जनकपुर राजविराज इजलासका उपरजिष्ट्रार उज्जवल न्यौपानेले अदालतमा मुद्दाको चाप बढिरहेको र फौजदारी गुदालाई प्राथमिकतामा राखेर फैसला गर्नू पर्ने हुदाँ साह दम्पतीका विषयमा प्रक्रिया अनुसार पालो आएपछि न्यायनिरूपण हुने बताए ।