राजबिराजमा जसपा उम्मेदवार द्वारा घरदैलोलाई तिव्रता

राजबिराज,  २४ कार्तिक । सप्तरी निर्वाचन क्षेत्र नम्बर २ का एमाले–जसपाका साझा उम्मेदवारहरूले राजविराजमा बिहीवार घरदैलो गरेका छन् । 

जस अन्तर्गत राजबिराज नगरपालिका वडा १ पडरिया वडा २ स्थित तेतरी गाछीटोलमा  जसपा अध्यक्ष एवम् सप्तरी संसदीय क्षेत्र नं.२ को उम्मेदवार उपेन्द्र यादव र उनका पत्नी सहितले घरदैलो कार्यक्रमलाई तिव्रता दिएको छ । 

राजविराज २ स्थित पार्टी क्षेत्रीय कार्यालयबाट निकालिएको घरदैलो राजदेवी टोलको तेतरगाछी, तेतरी चौक, पोखडी महाड, पडरिया पुरानो र नयाँ टोल, बस्तीहरूमा मतदाता सँग आफ्नो पक्षमा मतदान गर्न विश्वस्त पारिरहेका छ । 

घरदैलो कार्यक्रममा जसपा केन्द्रिय कार्यकारिणी सदस्य एवम् पूर्व मन्त्री मृगेन्द्र सिंह यादव, जसपा राष्ट्रिय प्रवक्ता मनिष सुमन, प्रदेश मुख्यसचिव दिनेश यादव, प्रदेश सचिव युसुफ अलि, प्रदेश सभा सदस्य नेत्र बिक्रम साह, रन्जु ठाकुर, जसपा सप्तरी जिल्ला अध्यक्ष केदार प्रसाद यादव लगायत जसपा नेताकार्यकर्ताको सहभागिता थियो ।