चुनाव जित्नेमा ढुक्क छु : जयप्रकाश ठाकुर

राजबिराज, २५ कार्तिक । सप्तरी निर्वाचन क्षेत्र नम्वर २ का लोकतान्त्रिक–बाम गठबन्धनका प्रतिनिधि सभाका उम्मेदवार जयप्रकाश ठाकुरले चुनाव जित्नेमा आफू ढुक्क रहेको दावी गरेका छन् ।

उनले भने लोकतान्त्रिक–बाम गठबन्धनले मात्रै देशमा शान्ति सुरक्षाको प्रत्याभुति दिलाउन सकिने दावी गरेका छन् । यहाँका मतदाताले मलाई माया गरेर नै अहिले यो ठाउँमा पुर्‍याएको भन्दै त्यसै अनुसार म आडि बढिरहेको बताए ।

सप्तरी–२ बाट उम्मेदवार रहेको ठाकुरले मतदाताले आफूलाई रुचाएको दावी गरेका छन् । आफूले यस क्षेत्रका मतदातालाई दिएको योगदान र जनताले त्यसको मूल्यांकन गरिरहेको उनको भनाई थियो ।

यस क्षेत्रका जनतालाई शिक्षा, स्वास्थ्य को सुविधाका लागि आफू सधैँ अगाडि रहेको बताए । निर्वाचन प्रचारको क्रममा मतदाताको घरदैलोमा पुग्दा धेरै समस्या सुनाएको र त्यसलाई समाधान गर्न आफू लागिपर्ने उनले बताए ।