वाइ वाइ यु-१९ मधेश प्रदेश छनोट खेलमा सप्तरी विजय

जनकपुर, २६ कार्तिक । रौतहटमा जारी वाई वाई यु-१९ मधेश प्रदेश क्रिकेट (पुरूष) छनोट क्रिकेट प्रतियोगितामा सिरहालाई ५ बिकेटले पराजित गर्दै सप्तरीको विजय भएको छ । 

शनिवार रौतहटको पिपरा खेलमैदानमा सिरहाले टस जितेर २४ ओभर २ बलमा १० बिकेट गुमाई १ सय ४ रनको योगफल खडा गरेका थिए । जसमा रिषब कार्की २७, मनोज यादब अविजित १२ र कुश कुमार मण्डल १० रन बनाएका थिए । 

बलिंग तर्फ सप्तरीका अभिषेक कार्कीले घातक बलिंग गर्दै ५ बिकेट लिए भने मो. सकिम २ बिकेट र अजय यादब र पप्पु यादब १/१ बिकेट लिएका थिए ।जवाफमा सप्तरीले २४ ओभर ५ बलमा ५ बिकेट गुमाई विजय हात पारेका थिए । 

जसमा पप्पु यादबले उत्कृष्ट ब्याटिङ गर्दै नट आउट खेलपछि जित सहज भएको थियो । यसैगरी भोला साह २८  र राज बर्माले १४ रन बनाएका थिए । यता बलिंग तर्फ सिरहाका अफरूद्विन रायन २ बिकेट र मनोज यादबले १ बिकेट लिएका थिए ।

उक्त खेलको म्यान अफ दि म्याच सप्तरीका अभिषेक कार्की घोषित भएको सप्तरी क्रिकेट संघ अध्यक्ष आयुष श्रेष्ठले जानकारी दिए ।