विकासको नाममा लुटतन्त्र चलाउने विरुद्ध आफ्नो उम्मेदवारी : सुदम्वर यादब (भिडियो सहित)

राजविराज, २८ कार्तिक । मधेश प्रदेश गरिबी रेखामुनि रहेका जनताको गासवासको समस्या, गुणस्तरिय शिक्षा, सहज रूपमा स्वास्थ्य सुविधा उपलब्ध गराउने एजेन्डा रहेका छन्। 

यो क्षेत्रमा पूर्व निकुन्जको जनावरहरूले बर्सेनी जनधनको क्षति पुर्याउने गरेको र कोशी नदिमा आएको बाढीले स्थानियहरूले दुख पाइरहेको अवस्थामा यसलाई नियन्त्रण गर्न मुख्य उद्देश्य रहेको बताए । 

उनले भने मधेश प्रदेश सरकारको योजना उपलब्धि मूलक रहेको र जनताको हितमा रहेकोले हाम्रो जित सुनिश्चित हुने विश्वस्त छु। यस क्षेत्रमा विगत ५ वर्षमा विकासको काम धेरै भएकाले आमजनताले हामीलाई भोट दिनेमा विश्‍वस्त छु  । 

सप्तरी निर्वाचन क्षेत्र नम्बर १ (१) बाट एमाले–जसपाका प्रदेश सभा सदस्यका उम्मेदवार सुदम्वर यादबले घरदैलो अभियानलाई तिव्रता दिएका छन् । आसन्न मंसिर ४ गतेको निर्वाचन नजिक हुँदै जाँदा मतदातालाई रिझाउन यादबले घरदैलो अभियानलाई तिब्रता दिएको हो । 

विगत २० बर्ष देखि शिक्षा क्षेत्रमा लागेका यादबले शिक्षा क्षेत्रको सुधार गरी गुणस्तरीय शिक्षामा सुधार र उपचारबिना कसैले ज्यान गुमाउन नपर्ने गरि निःशुल्क स्वास्थ्य सेवाको प्रबन्ध मिलाउने योजनाका साथ उम्मेदवारी दिएले आमजनताको सहयोग हुनेमा पूर्ण विश्वस्त छु । 

जनताको छोराछोरी शिक्षा लिनबाट बञ्चित हुन नपरोस् र स्वास्थ्य सेवा सहज रुपमा पाओस्, विकासको नाममा लुटतन्त्र चलाउने विरुद्ध आफ्नो उम्मेदवारी भएकोले सहयोगका लागि मतदाता भेटेर आग्रह गरे ।