छिन्नमस्तामा कृषि फर्ममा आगलागी हुँदा ३ लाख बराबरको क्षति 

राजबिराज, १० मंसिर । सप्तरीको छिन्नमस्ता गाउँपालिका वडा नम्बर ६ खुदिबखारी सखडा सडक खण्ड स्थित रहेको गोविन्दा कृषि तथा पशुपंक्षी फर्ममा आगो लागेको छ ।

शुक्रबार साँझ करिब ६ स् २५ बजे फर्ममा कोही नभएको बेला अचानक  आगलागी भएको हो । आगो स्थानीयवासी र इलाका प्रहरी कार्यालय सखडाको टोली मिलेर निभाउन सफल भएका हुन ।

उक्त आगलागीबाट ३५र३५ फिटको दुईवटा घर, १५ बोरा कुखुराको दाना, ५३ वटा दाना खुवाउने डिवा, ७५ थान स्टेन, २७ वटा कुखुरा, तार वाइरिङ सहित करिब ३ लाख भन्दा बढी मूल्य बराबरको क्षति भएको फर्मका संचालक गोबिन्दा कुमार मण्डलले जानकारी दिए ।

त्यसैगरी आगलागी के कारणले भएको हो भनी त्यसको अनुसन्धान कार्य भईरहेको इलाका प्रहरी कार्यालय सखडाका सई शत्रुधन राउतले जानकारी दिए ।