सप्तरीको कञ्चनरूप-१ मा घाँटी रेटी एक पुरूषको हत्या

राजविराज, १३ मंसिर । सप्तरीको कञ्चनरूप नगरपालिका १  स्थित बैरवामा घर नजिकै रहेको पोखरीमा घाँटी रेटेर हत्या गरिएको अवस्थामा  एक पुरूषको सव मंगलबार बिहान फेला परेको छ  ।

सप्तरीको कञ्चनरूप नगरपालिका १ का अन्दाजी ४८ बर्षिय पप्पु  भनिने सञ्जय राउतको  शव भेटिएको हो । कञ्चनरूप प्रहरी प्रमुख  डीएसपी रामकुमार यादवका अनुसार घाँटी रेटिएको अवस्थामा पोखरीमा शव भेटिएको बताए ।

सोमबार राति ९ बजेदेखि बेपत्ता रहेका राउत मंगलबार बिहान घाँटी रेटिएको अवस्थामा फेला परेका थिए। घटनाको प्रकृति हेर्दा घाटी रेटेर हत्या गरिएको देखिएको प्रहरीले जनाएको छ । घाँटी रेटि  हत्या गरिएको  घटनाको अनुसन्धान थालिएको प्रहरीले जनाएको छ। अनुसन्धानका लागि तालिमप्राप्त कुकुरबाट प्रहरीले  थप अनुसन्धान कार्य थालेको छ ।’

स्थानीयहरु का  अनुसार मृतक गाउँघरमा व्याजमा रुपैयाँ लगानी गर्ने काम गर्थे ।