अतिक्रमणले राजबिराज नगर अस्तव्यस्त, भलुवाही पुलमा रेलिंग नहुदाँ सर्वसाधारणको ज्यान जोखिममा

राजविराज, १४ मंसिर ।  राजबिराज नगरमा अनाधिकृत रूपमा सडक र पेटी अतिक्रमण गरेपछि सर्वसाधारणलाई आवजावतमा सास्ती भोग्नु परेको छ भने भलुवाही पुलमा रेलिंग नहुदाँ सर्वसाधारणको ज्यान जोखिममा रहेको छ । 

राजबिराज नगरको मुख्य सडकमा पसल राख्ने, यातायातका साधन संचालन देखि घर निर्माणका सामग्री राखेपछि आवतजावतमा कठिनाइ सँगै जोखिम पनि बढेको छ । 

यस्तै राजबिराज २ स्थित तेतरी गाछी सडक खण्ड अन्तर्गत बिच बाटोमै कठघरा राखेपछि यातायातका साधन संचालनमा अवरोध सँगै सर्वसाधारणलाई आवजजावतमा समस्या भोग्नुपरेको स्थानीय इन्जिनियर शैलेन्द्र यादबले गुनासो गरे ।

महिनौँ देखि बिच सडकमा उक्त कटघरा, बाटामै घर निर्माणका लागि ईट्टा, बालुवा,गिटी जस्ता सामग्रीले राखेको कारण जोखिम बढाएको बताए । 

उनले भने नगरपालिकाको लापरवाहीका कारणका नगरभित्र रहेको अतिक्रमणलाई हटाउन नसक्नु दुखद हो । 

यसैगरी सोही सडक खण्ड अन्तर्गत भलुवाही पुलको राजबिराज( हनुमानगर सडक खण्ड अन्तर्गत राजबिराजको तेतरी गाछी नजिक रहेको भलुवाही पुलमा रेलिंग नहुदाँ जोखिम बढेको छ । नेपाली सेना ब्यारेक नजिक रहेको उक्त भलुवाही पुलमा वर्षौ देखि रेलिंग जीर्ण हुदाँ सर्वसाधारणले ज्यान जोखिम मोलेर आवतजावत गर्न बाध्य छन् । 

पुलको दुबै साईडमा रहेको रेलिंग जीर्ण भएपछि उक्त रेलिंगलाई भत्काएपछि जोखिम बढेर गएको स्थानीय बिजय साहले बताए । रेलिंग भत्काएर नयाँ रेलिंग लगाउन भनिएपनि अहिले लगाइएको छैन, उनले भने राती हिड्ने सर्वसाधारणको लागि ठुलो घटना हुन सक्ने देखिन्छ । 

यता सम्बन्धित निकायले उक्त भलुवाही पुलमा रेलिंग नहुदाँ कुनै बेला पनि ज्यान जोखिममा पर्न सक्ने स्थानीय भागवत साहले गुनासो गरे । यातायातका स्थित नव निर्मित बसपार्क संचालन नहुदाँ नगरको पार्किङ ब्यवस्था अस्तव्यस्त बनेको छ । 

यातायातको साधन बजारभरि जथाभावी सवारी पार्किङ गर्ने क्रम बढेपछि वातावरण असहज बनेको हो । 

मुख्य सडक अन्तर्गत गजेन्द्र चौक, नेता चौक, रूपनी मोड, कुनौली मोड,सिरहा सडक खण्डमै अटो रिक्सा, पिकअप जिप र मोटरसाइकलको जथाभावी पार्किङले बजारमा सवारी जामले सानो तिनो दुर्घटना हुने गरेको छ। 

निर्धारित समयको बेवास्ता गर्दै ट्रकले जथाभावी रोकेर सामान झार्दा बजार झनै अस्तव्यस्त बन्न थालेको छ । सवारी साधनले पनि सडकमै पार्किङ गरेर सामान र यात्रु लिएर जान्छन्  । जथाभावी सवारी रोक्दा साँघुरा सडक अस्तव्यस्त बन्ने गरेको छ । 

जथाभावी सवारी रोक्नेले बजारको व्यवस्थापन कमजोर उचित पार्किङको पनि व्यवस्थापन गर्न नसक्नु दुखदको हो । नगरपालिकाबाट तोकिएको पार्किङस्थल व्यवस्थापन गर्न गम्भीर नहुदाँ समस्या बढदै गएकोले यस तर्फ सम्बन्धी निकाय गम्भीर हुनुपर्ने देखिन्छ । 

यता नगरपालिकाका कावा नगर प्रमुख ईसरत प्रविणले राजबिराज नगरपालिकाले अतिक्रमण हटाउन सवै वडा अध्यक्षहरूलाई भनेको छु, चाडै नगरभित्र रहेका अनाधिकृत अतिक्रमित संरचना र सडकपटी अतिक्रमण गरी बाटो अबरोध गर्नलाई कार्यवाही समेत गरिने बताईन ।