जनमत पार्टीमा सिंह मुख्यमन्त्रीको चर्चामा

राजबिराज, १५ मंसिर । जनमत पार्टी मधेश प्रदेशको सरकार निर्माणमा निर्णायक भूमिका देखिएपछि पार्टीले मुख्यमन्त्री पदमा दाबेदारी गरेको छ । 

मधेस प्रदेशसभामा जनमतले मुख्यमन्त्री पदको दाबेदारी प्रस्तुत गर्ने भएकोले पार्टीमा सतिश कुमार सिँहको नाम चर्चामा रहेको छ । पार्टीले मुख्यमन्त्रीको पदमा दाबेदारी राखेपछि मेरो नाम पार्टीमा अहिले चर्चामा रहेको सिँहले बताए । 

सप्तरी निर्वाचन क्षेत्र नम्बर २ (१) बाट प्रदेशसभामा भारी मतले विजय भएका सिंह उक्त पार्टीबाट मुख्य मन्त्री पदको दाबेदार रहेको दाबी गरे । मधेस प्रदेशमा सरकार बनाउन दुबै गठबन्धनलाई चाहिने आवश्यक संख्या जनमत पार्टीसँग रहेको देखिन्छ । 

मधेस प्रदेशमा जनमत पार्टी निर्णायक रहेकाले मुख्यमन्त्रीका लागि अडान राख्नुपर्ने उनले बताएका हुन । जनमत पार्टीबाट संसदीय दलका नेताको रुपमा यस प्रदेशमा  सतिश लाई नै अगाडि बढाउने आन्तरिक तयारी गरिरहेको स्रोतको दाबी छ।