सप्तरीको कंचनरुपमा आगलागी

राजबिराज, १५ मंसिर । सप्तरीको कंचनरुप नगरपालिका –११, गोरपारमा आगलागी भएको छ । आगलागी बाट  स्थानीय अर्जुन मण्डल र टेक नारायण मण्डलको घर जलेर नष्ट भएका छन् ।

आगलागीमा अर्जुनको दुई तल्ले काठको घर, गोठ, नगद १ लाख, सुन १ तोला, चाँदीको गहना २७ तोला, अन्नपात, लत्ताकपडा, फर्निचर र विद्युतीय सामग्रीहरू पूर्ण रूपले जलेर नष्ट भएको छ भने टेक नारायणको एउटा घर, २५ हजारको पलाइवुड, अन्नपात, लत्ताकपडा जलेर नष्ट भएको इलाका प्रहरी कार्यालय कंचनपुरले जनाएको छ ।

विद्युतीय मिटर सर्ट भई भएको आगलागी कंचनरुप नगरपालिकाका बारुण यन्त्र, प्रहरी र स्थानीयबासीले नियन्त्रणमा लिएका थिए ।