चन्दन यादब 
राजबिराज, २ पौष । राजबिराजमा सप्तरी क्रिकेट संघको आयोजना तथा नेपाल क्रिकेट फाउन्डेसनको सहयोगमा संचालित जिल्ला स्तरीय अन्तरविद्यालय एकदिवसीय क्रिकेट प्रतियोगितामा पिसल्यान्ड र शिब्स स्कुल विजय भएका छन् ।
शनिवार पविमाबिको खेलमैदानमा पहिलो खेलमा टस जितेर पिसल्यान्डले २० ओभरमा ९ बिकेट गुमाएर १ सय ३५ रनको योगफल खडा गरेका थिए ।
जसमा अभिषेक मण्डलले ४२ रन, मनु दास २७, शम्भु मण्डल २२ र राहुल मण्डलले ११ जोडेका थिए । बलिंग तर्फ म्याक्सेल इंग्लिस बोडिंग स्कुलका प्रताप यादबले ३ बिकेट, कैलास साह २ र मो। कमरूद्विन तथा मनोज यादबले १/१ बिकेट हात पारेका थिए ।
प्रतिउत्तरमा म्याक्सेल स्कुलले २० ओभरमा ९ बिकेट गुमाएर १ सय २५ रनमै सीमित भएपछि पिसल्यान्ड स्कुल १० रनले बिजय भएका हो । जसमा राहुल यादब २३ रन, मो। कमरूद्विन १४ असफक आलमले १८ रन बनाउँदै अविजित रहेपनि टिमलाई जित दिलाउन सकेन ।
यता बलिंग तर्फ पिसल्यान्डका शम्भु यादबले ४ बिकेट मनु दास २ बिकेट र आरयन दास, श्यामबाबु मण्डल, प्रदिप दासले समान्य १/१ बिकेट लिएका थिए । खेलको म्यान अफ दि म्याच अभिषेक मण्डल घोषित भएको सप्तरी क्रिकेट संघले जनाएको छ ।
यसैगरी आजै सम्पन्न कन्छुनरप्रताप माबि रायपुर र शिब्स स्कुल बिच भएको खेलमा रायपुर स्कुल लाई शिब्सले २५ रनले पराजित गर्दै जित हात पारेको छ । टस जितेर शिब्सले २० ओभरमा ३ बिकेट गुमाएर १ सय ३७ रनको योगफल खडा गरेका थिए।
जसमा विशाल यादबले उत्कृष्ट ब्याटिङ गर्दै अर्धशतकीय पारी खेल्दै ६४ रन बनाएका थिए भने त्यस्तै रोहित यादब ४७ रन, र कृष्ण साहले १६ रन जोडेका थिए ।बलिंग तर्फ रायपुर माबिका शनि चौधरी र अजय अधिकारीले १/१ बिकेट हात पारेका थिए ।
जवाफमा रायपुर माबिले २० ओभरमा ७ बिकेट गुमाई १ सय १२ रन मात्र बनाउन सकेका थिए । जसमा अमित चौधरी २२ रन, सुमन चौधरी १८ र हेमन्त मेहताले १६ रन बनाएपनि जित हात पार्न सकेन, यो सँगै शिब्स २५ रनले खेलमा जित निकाल्न सफल भएका थिए ।
बलिंग तर्फ शिब्सका कृष्ण साहले सर्वाधिक ४ बिकेट र सुशान्त देवर बिकास यादबर पंकज रायले १/१ बिकेट लिएका थिए । खेलको म्यान अफ दि म्याच शिब्सका विशाल यादब घोषित भएको आयोजित समितिले जनाएको छ ।
भोलिको पहिलो खेल नरेन्द्र मेमोरियल बोरिया र ग्रिन स्कुल राजबिराज तथा दोस्रो खेल लिटिल एन्जेल र लाली गुराँस स्कुल बिच हुने भएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |