पविमाबि राजबिराजका दृष्टिविहीन बालबालिकालाई सहयोग

राजबिराज,५ पुस । पविमाबि राजबिराजका दृष्टिविहीन बालबालिकाहरूलाई बिभिन्न उपयोगी सामाग्री बितरण गरिएको छ । 

मंगलबार सेभद सप्तरी र सेभ द चिल्ड्रेनको सहयोगमा पब्लिक विन्देश्वरी माध्यमिक विद्यालय राजविराजको श्रोत विद्यालयमा अध्ययनरत ८ जना दृष्टिविहीन बालबालिकालाई शैक्षिक सामाग्री, पोशाक, न्यानो कपडा, फर्निचर लगायतका सामाग्री सहयोग गरेको हो । 

उक्त अवसरमा विद्यालयका प्रधानाध्यापक मोहन मिश्रा, सेभ द चिल्ड्रेनको वरिष्ठ कार्यक्रम संयोजक खिलानाथ निरौला, सेभ द सप्तरीका अध्यक्ष ध्रुव प्रसाद देव, राजविराज नगरपालिका वडा नम्बर ५ का वडा सदस्य आशा कुमारी तामाङ, सेभ द चिल्ड्रेनका लेखा संयोजक सुरेश यादब लगायतको उपस्थिति रहेको थियो । 

सेभ द चिल्ड्रेन र सेभ द सप्तरीको साझेदारी अन्तर्गत समुन्नति कार्यक्रममार्फत दृष्टिविहीन बालबालिकाको होस्टलमा रगंरोगन, शौचालयको पुनःनिर्माण विद्युती करण, फर्निचर, सिरक डस्ना लगायतका न्यानो कपडा, विद्यालय पोशाक, झोला, शैक्षिक सामाग्री सहयोग गरेको सेभ द सप्तरीका शिक्षा अधिकृत दुर्गानन्द शर्माले जानकारी दिए ।