प्रतिष्ठान द्वारा संचालित क्रिकेटमा पिसल्यान्ड बिजयी

राजबिराज, १० पुस । क्रिकेट विकास प्रतिष्ठान द्वारा संचालित अन्तरविद्यालय क्रिकेट प्रतियोगिताको उद्घाटन खेलमा पिसल्यान्डले लिटिल एन्जललाई १४ रनले पराजित गर्दै विजय भएका छन् । 

आइतबार स्थानीय पबिमाबिको खेलमैदानमा राजबिराज वडा ६ का वडा अध्यक्ष शशी चौधरीले ब्याटिङ र वडा ५ का अध्यक्ष बन्धु दासले बलिंग गर्दै उद्घाटन गरेका थिए । 

उद्घाटन खेलमा टस जितेर पिसल्यान्डले ब्याटिङ गर्दै निर्धारित २० ओभरको खेलमा ७ बिकेट गुमाई १ सय ३२ रनको योगफल खडा गरेका थिए । जसमा बरूणदेव गामी अर्थ शतकिय पारी खेल्दै ६२ रन जोडेका थिए भने श्यामबाबु मण्डल १३ रन बनाएका थिए । बलिंग तर्फ लिटिल एन्जलका साहेल आलम, शिव दास, गोपाल मण्डल, भिम यादब र कर्ण बहादुर बिक १र१ बिकेट हात पारेका थिए । 

प्रतिउत्तरमा लिटिल एन्जलले निर्धारित २० ओभरमा ७ बिकेट गुमाएर १ सय १८ रनमै सीमित रहेका थिए । जसमा प्रियान्सु कर्ण २९ रन,श्रवण मुखिया २५ रन, कर्ण बहादुर बिक १७ रन बनाएका थिए । बलिंग तर्फ पिसल्यान्डका शनि यादब ३ बिकेट, प्रदिप दास २ बिकेट आर्यन दास १ बिकेट हात पारेका थिए । खेलको म्यान अफ दि म्याच बरूणदेव गामी घोषित भएका भएका छन । 

क्रिकेट प्रतिष्ठानका अध्यक्ष ई इन्द्रनारायण देवको अध्यक्षतामा संचालित प्रतियोगिता डब्बल राउन्ड रोबिनको आधारमा खेलाइने बताईएको छ । 

गत पुस २ गते देखि ९ गते सम्म सप्तरी क्रिकेट संघ द्वारा संचालित अन्तर बिधालय क्रिकेट प्रतियोगिताको बिजेता, उपबिजेता र सहभागी ६ टिम मध्ये एकवटा टिम बनाई प्रतिष्ठानको टिम हुने गरी ३ वटा टिम बिच डब्बल राउन्ड रोबिनको आधारमा खेलाइने आयोजक समितिका सन्तोष यादबले जानकारी दिएका छन ।