प्रतिष्ठान द्वारा संचालित क्रिकेटमा लिटिल एन्जल बिजयी

राजबिराज, ११ पुस । क्रिकेट विकास प्रतिष्ठान द्वारा संचालित डब्बल राउन्ड रोबिनको आधारमा खेलाइएको सोमबारको खेलमा लिटिल एन्जल स्कुलले क्रिकेट प्रतिष्ठान टिमलाई २ रनले पराजित गर्दै बिजय भएका छन । 

स्थानीय पविमाबि खेलमैदानमा टस जितेर लिटिल एन्जल स्कुलले २० ओभरमा ६ बिकेट गुमाई १ सय ११ रन बनाएका थिए । जसमा निसान्त यादब २३ रन,भिम यादब २२ रन, गोपाल मण्डल १४ रन अविजित खेलेका थिए । 

बलिंग तर्फ क्रिकेट विकास प्रतिष्ठानका पंकज राय २ बिकेट सुमन चौधरी, रितेश राम, कुणाल यादब १/१ बिकेट हात पारेका थिए । 

प्रतिउत्तरमा क्रिकेट विकास प्रतिष्ठानले १ सय ११ रनको लक्ष्य लिएका प्रतिष्ठानले २० ओभरमा ९ बिकेट गुमाएर १ सय ९ रन मै समिति रहे भने लिटिल २ रनले यो खेलमा जित निकालेका थिए । जसमा रोहित यादब २२ सुमन चौधरी १७ रन सुशान्त चौधरी, विशाल यादब ११ र रितेश राम १२ र पंकज राय १३ अविजित रहेपनि जित हात पारेन । 

बलिंग तर्फ लिटिल एन्जलका शिव दासले उत्कृष्ट बलिंग गर्दै ४ ओभरमा ४ बिकेट, सोहिल आलम, नरेश कामैत २/२ बिकेट र गोपाल मण्डलले १ बिकेट लिएका थिए । उक्त अवसरमा सप्तरी क्रिकेट सँघका अध्यक्ष आयुष श्रेष्ठले खेलको म्यान अफ दि म्याच शिव दासलाई कप प्रदान गरेका थिए । 

भोलिको खेल क्रिकेट विकास प्रतिष्ठान र पिसल्यान्ड स्कुल बिच हुने आयोजक समितिका सन्तोष यादबले जानकारी दिए ।